25 April

samandar k kinaray khara, ankhein bandh aur tez hawa k jhonkay.Aj ka din bohot ehm din tha Uss k liye. dhalte huye suraj ki akhri kiran lekin umeed tootne nai di usne. Aj jb peeeche murr k dekha tou katay phitay rastay, mazi ki adhuri tasweerain, hansi ki gunj, aur woh tamam haseen lamhaat. bs dil kr raha tha k waqt aisay hi tham jaye aur sirf yeh khushgawar yaadon ka ghaira kabhi na tootay.

Ak tez hawa ka jhonka aya aur sb kuch kirchi kr gya. usne ankh kholi tou khali hath thay. woh hath aj khali thay jin mei kal tak kisi ka hath tha, kisi ki mehak thi.uski khamosh ankhein, uss k chehre pe na tou muskurahat thi aur na hi dukh. woh jaisay duur khari kuch haseen yaadon ko jatay huye dekh raha tha. sb khayl hawa mein bikhar gaye. sb yaadein madham ho gyi,

Chamakti Duniya

Ajeeb hai yeh ishq, mohabbat, dillagi bhi. afsanay hi afsanay hain. kahin nafrat hai tou kahi chupi mohabbat. phele pehl tou aisa hota kay insan ki sb khoobiyan khamiyan achi lagti. attraction ak naye rishte ko janam deti hai khwa woh kisi bhi cheez ki ho ya chehre ki ho ya jism ki ho. aur phir yeh mohabbat ki shakal le leti aur ishq insan mei phalna phoolna shuru ho jata. kitne hi log iss mohabbat mein jaan se hath dho bethay aur kitne hi log aisay hon ge jo har roz apne apko honsla de ke zindgi ki sarak per sirak sirak k chalane ki koshish krte. 

pehle kamiyan bhi achi lgti hain. baad mei wohi khamiyan apki achaiyon se bohot bari ho jati. kabhi kahin insan ko achay buray mein faraq nazar ajta tou kahin zindagi ki masrufiyat usko uljha kay rakh deti. Insan kbhi nahi badalta bs uss ka asl chehra samne ajata jb usko rutba, dolat, aur muqaam mil jata. ya shayed usko apna asal muqam pata chal jata aur usko ehsas ho jata kay woh kuch behter deserve krta hai. ajeeb si kashmaksh hai, ajeeb si dorr hai. kon jeeta kon hara apne apko tasalli wali baat hai. 

rishte chahay jitne bhi sachay hon, wafa k waday jitne bhi pakay hon, ishq k daway jitne bhi buland q na hon , ak waqt sb khohkla ho jata hai. kabhi duniya ki chamakti ronak insan ko andha kr deti hai tou kabhi uss ki apni ana. par waqt insan ko zarur usi muqam pe laa kr khara krta hai takay woh insan bhi dekh sakain k achay aur buray mei farq duniya ki chamak se nahi balkay roohani kirdar se lgaya jata hai.