Dard hai Kay ruktaa hi nhi. Rooh jaisay chalni ho rahi ho waqt ki bezabtgion se. Jb rooh chalni ho gyi ho tab jismani zakhm ka dard mehsoos hi nhi Hota. Aj pata Chala Kay woh tkleef kaisi Hoti Hogi jb raisham Kay kpray ko kisi jhari pe daal kr Zor se kheencho. Zabt Sath chor raha ho. Maut jaisay ak khoobsurat haseena ki tarah ho jaye Aur dil karay bhag kr uss ki bahon mein Khud ko sonp du. Muje aj samaj aya Kay Ishq hai Kia. Kyu log kehte Ishq bai parwah. Tarap, duur honay ka ehsas, ghungru pehn kr nach Kay yar manana, duniya se bai Khabar hona, yar Kay tasawur ko Rangon mein, alfaz mein utarna , aj Iss zeher ka maza bhi chakh lia. Rooh chalni, jb dard maza bann jaye. Wah mere Rabba! Khud Ishq mein Apne mehboob ko Apne pas Bula Kay mairaj krwa dete ho. Aur yahan Sassi ko thal mein rula dete ho, Ranjhay ko heer Kay peechay rula dete ho. Ishq ko la hasil bana dete ho.
Mana insan hu, perfect nhi tha na hu. Pehle pehl Sb buriyan bhi ignore kr dete hain hum log. Baad mein maaf krne ka bhi rawadar nhi hotay. Insan se mohabbat ki kisi frishtay se nhi. Iss baat ki Kia guarantee Kay ap kisi Aur se mohabbat kro tou woh 100% sahi ho. Aur shadi k baad tou Waisay hi Jo hai bardasht kro. Tou shadi se pehle q nhi maaf krte hum log? Ajab tamasha hai.
Khwaish hai Kay kbhi kisi farishte se mulaqat ho tou puchu uss se Kay Bhai yeh kon log hain? Meri tarah Kay hain ya apki tarah Kay? Rehte tou meri tarah insanon ki duniya mein hain Aur sifaat bhi insani hain Phir yeh konsay farishte dhoondh Rahay hain? Khud imperfect hain lekin dhoondhte prrfect hain. Khud tou maaf krne la honsnsla nhi lekin Rabb se ak second mein maafi expect krte hain. Bhai muje uss duniya mein Bhej do jahan meri tarah k log hon. Yeh tou zalim log hain. Kyu Kay me imperfect tha Aur rahu ga.
Please learn to forgive. Relationship chahay koi bhi ho uss mein forgiveness seekhain. Agr nhi kr Skte tou kisi ka hath sirf Apne akele ho janay Kay darr se na pakrain. Gumrah, bhatka hua insan dusre insan ki zime Dari Hota hai. Agr yeh zimedari nhi nibah Skte tou Apne ap ko frishta sift na samjhana. Hum insan hain Aur insanon mein rehta hain frishton mein nhi.
