Woh sajde mein tha ansu thay kay rukne ka naam hi nahi le rahay thay. Usko aaj iss baat k ehsas hua k 70 Maaon ka pyar kaisa hota hai. Woh yehi soch raha tha k duniya mei agr kisi ko satao tou dusra insan peechay hatt jata hai, kuch maaf kr dete hain aur kuch ignore kr dete hain. aur jb koi apna agr ghalti karay tou usko saza bhi de dete hain, usko uss k haal pe chor ke, usko ignore ker kay, usko tanha chor jatay hain. Aur woh mazeed daldal mei phansta jata hai, apne aap se jang shuru ho jati hai, aur end mei haar sirf apni hi hoti hai. Ahista Ahista waqt ghuzarne kay sath log uss insan ko bhool jatay hain. yahan tak kay uski achaiyan ya buariyan sb dhundli ho jati hain. kyu k ehmiat nahi reh jati uss insan ki hamari zindgi mein.
Dusri taraf Qurban jau mai apne Allah kay. sari zindagi sataya phir bhi na igonre krta, na tanha chorta na hi peeche hat ta. balkay ak qadam USS ki taraf barhao tou woh 10 qadam barha k apni rehmaton k samandar ulat deta insan pe. Uska hath tham leta, jitna staya jitni bhi uski baat nahi mani, jitna bhi USKA ghusa ho sab ak toba , mafi pe khatam ho jata aur ehsas hota k muskura k apne bande ko welcome kr raha ho. " wafaon ki humse tawaqo nahi hai, mgr Ak baar azmaa kr tou dekho...................Zamane ko apna bana kr tou dekha, HUMAIN bhi tum apna bana kr tou dekho".
Dil ko mutmain kr deta, sakoon se bhar deta . ak ehsas dilwata k MAI hu tere sath.Aur yehi ehsas insan ko badal deta aur uski haqeeqi zindagi ka aghaaz ho jata.
Uska dil ak ajeeb si khushi se jhoom raha tha, He was feeling complete.Ak sakoon sa tha uss k andar. Rabb se tou maafi mang li usne aur woh sab logon ko yehi keh raha tha k "Muje iss tarah maaf kr do jaisay tum umeed krte ho k tumhara Rabb tumhe maaf kr de ga".
We all must forgive each other and spread #Love #Respect.
No comments:
Post a Comment